10397823_1645253965694241_7220495050849086391_nწელს გამოსასვლელ ეკრანიზიაციებიდან ლიტაგორა გირჩევთ ყურადღება მიაქციოთ Child 44 (ბავშვი 44-ს), რომელიც ეკრანებზე აპრილში უნდა გამოვიდეს. ვერ გეტყვით, თუ რამდენად კარგი იქნება ფილმი, მაგრამ წიგნს რეკომენდაციას ნამდვილად გავუწევთ.

ინგლისელი მწერლის ტომ რობ სმიტის ნაწარმოები სტალინის დროინდელ სსრკ-ს პერიოდში მომხდარი საზარელი მკვლელობების შესახებ მოგვითხრობს, რომელსაც სახელმწიფო უსაფრთხოების ყოფილი და შემდეგ უკვე ამავე ორგანოს მიერ ძებნილი აგენტი ლეო დემიდოვი იძიებს.

სმიტის ნაწარმოებში რამდენიმე სიუჟეტური ხაზი და თემაა გაშლილი, ასევე მშვენივრად არის აღწერილი 50-იანი წლების სსრკ-ს რეჟიმი და ეპოქა. საინტერესოა ისიც, რომ წიგნში აღწერილი მკვლელის პროტოტიპად ჩიკატილო გვევლინება.

წიგნი 2008 წელს არის დაწერილი და ამ ეტაპზე მისი გაცნობა ინგლისურ და რუსულენოვან მკითხველს შეუძლია. ფილმს რაც შეეხება, ტრეილერიდან გამომდინარე ის შეგვიძლია ვთქვათ, რომ რეჟისორმა დანიელ ესპინოზამ ტომ ჰარდის, გარი ოლდმენის და ვინსენტ კასელის სახით ვარსკვლავური კასტის შეკრება მოახერხა.

Advertisements