კინოს უსაზღვროდ დიდ სამყაროში განსაკუთრებული ადგილი პოეზიას უკავია. ამავდროულად კინო პოეზია მაყურებელს ძალიან განსხვავებული ფორმებით შეიძლება მოევლინოს. ავტორები რომლებსაც შეიძლება პოეტური მიდგომები აერთიანებდეთ ხშირად ერთმანეთისგან რადიკალურად განსხვავდებიან. ასეთ განსხვავებებსა და ამავდროულად მსგავსებებზე საუბრობს რუბრიკა 3 ფილმის მორიგ ეპიზოდში რეჟისორი დეა ჭოლოკავა. დეა მის მიერ განხილულ ნამუშევრებს და ავტორებს “ქაოტური პოეზიის” თემის ქვეშ აერთიანებს და საუბრობს იმაზე თუ რატომაა ეს ნაწარმოებები საინტერესო. დეას მიერ განხილული ფილმებია ჰონ სან სუს 2017 წლის “ღამით სანაპიროზე მარტო” (Bamui haebyun-eoseo honja), მაიკ ლის 2010 წლის “კიდევ ერთი წელიწადი” (Another Year) და ოთარ იოსელიანის 1984 წლის “მთვარის ფავორიტები” (Les Favoris de la lune)